×
Copiar URL
Evento 07.11.2019

Xornada Camiñada o 16 de novembro como práctica do encontro

Continuamos pensando entre todas as persoas cal sería o desexo cidadá

¿Dónde? atrio da igrexa de Santo Domingo
Dirección Betanzos
¿Cuándo? 16.11.2019
Horario 11:00

Camiñar é unha práctica cotía, ao igual que conversar, de aí a potencia de misturar ambas prácticas, co obxectivo de crear unha metodoloxía que nos permita continuar abrindo convites ao diálogo. O proxecto participativo que estamos desenvolvendo en Betanzos procura abrir novos espazos para o encontro que nos permitan por un lado pensar cal é o desexo colectivo para encargar unha obra de arte e por outro lado tecer comunidade.


O vindeiro sábado 16 de novembro convidamos a cidadanía a participar nunha xornada camiñada que comezará ás 11h. no atrio da igrexa de Santo Domingo, ao carón dos cines Alfonseti, no Campo (praza irmáns García Naveira). A xornada rematará ás 14h no mesmo lugar e contaremos co apoio do equipo de facilitación da cooperativa Rexenerando, quen nos axudarán a xerar un espazo cómodo e amigable para lograr unha conversa colectiva.


En grupos de cinco persoas iremos camiñando pola cidade, mentres respostamos a unha serie de preguntas coas que iremos decatando ese desexo cidadá. A primeira parada terá lugar no lavadoiro das Cascas, outro dos exemplos do legado dos irmáns García Naveira, e quizais o máis revolucionario, en canto ao que supuxo para moitas das mulleres betanceiras. Alí esperaranos a filóloga, poeta e narradora, Emma Pedreira (A Coruña, 1978), quen ven de recibir o XI Premio Jules Verne de Literatura Juvenil coa súa obra 'Os corpos invisibles”. A tamén, dúas veces, gañadora do prestixioso premio de poesía Fiz Vergara Vilariño, fará un recital de poesía e comentaranos un novo proxecto ao redor dos irmáns García Naveira.


Continuaremos a deriva dialogada pola cidade, camiño ao parque, onde na zona nova do mesmo, nos recibirá o profesor Jose María Cardesín, quen forma parte do Grupo de Estudos Territoriais da Universidade da Coruña. Con el abordaremos as memorias dos emigrantes, da cosmovisión que rodea ao parque e dun espazo que alén de ser recreativo foi tamén un lugar ao se desplazarían moito alumnado de escolas co obxectivo de ampliar a súa ensinanza.

Esta xornada que rematá de novo no Campo, nun día de Feira é unha das catro xornadas abertas coas que iremos pensando ese encargo colectivo que lle faremos a un artista co obxectivo de que se poida producir unha obra de arte ao longo dos próximos anos. O proxecto desenvolvese no marco de Concomitentes (www.concomitentes.org) e conta co impulso das Asociación Amigas del Parque del Pasatiempo, ACLP Roxin Roxal e a Asociación Amigos do Casco Histórico de Betanzos, a colaboración do Concello de Betanzos e o apoio da Fundación Daniel e Nina Carasso